Hvers virði er friðurinn?

Þegar við hugsum um það sem dregur fólk til Íslands koma náttúruperlurnar gjarnan fyrst upp í hugann: goshverir, kraftmiklir fossar, jöklar og eldfjallalandslag. Við þekkjum þetta allt og skiljum vel aðdráttaraflið. En sumt af því dýrmætasta sem við eigum hér heima er erfiðara að festa á mynd.

Það er friðurinn. Tilfinningin fyrir því að geta verið örugg og tekið lífinu með ró.

Ísland var í fyrsta sæti Friðarvísitölunnar árið 2026. Við þurfum auðvitað ekki alþjóðlegan samanburð til að kunna að meta það að búa í friðsælu landi. Samt er gott að minna sig á að það sem okkur finnst sjálfsagt í dagsins önn er það alls ekki alls staðar.

Hvers virði er friðurinn?

Því er eiginlega ómögulegt að svara. Friðurinn er svo samofinn hversdeginum að við tökum varla eftir honum. Hann felst meðal annars í því að geta gert áætlanir, verið með fólkinu sínu og notið litlu hlutanna án þess að ótti og óvissa ráði för.

Í amstri dagsins gleymum við líka stundum að staldra við og njóta þess sem við höfum. Það er alltaf eitthvað sem þarf að klára og næsta verkefni sjaldnast langt undan.

Kannski er þess vegna áhugavert að líta á annan alþjóðlegan samanburð. Ísland var í öðru sæti í World Happiness Report árið 2026, þar sem fólk metur sjálft hversu ánægt það er með lífið. Slíkur listi segir auðvitað ekki alla söguna og hamingjan er ólík hjá hverjum og einum. En niðurstaðan bendir til þess að við kunnum að meta lífið hér.

Margt af því sem gerir það gott er hversdagslegt: að hitta kunnuglegt fólk í sundi, sitja lengi yfir mat með vinum eða líta út um gluggann og sjá fjöllin. Það þarf ekki alltaf mikið til. Stundum þurfum við bara svigrúm til að taka eftir því.

Gefum okkur tíma á milli

Við þurfum ekki að fara langt til að skipta um umhverfi og hægja aðeins á. Í Reykholti í Biskupstungum er stutt í margar af þekktustu náttúruperlum landsins. Gullfoss og Geysir eru alltaf heimsóknar virði, sama hversu oft við höfum komið þangað. En það sem gerist á milli viðkomustaða getur verið alveg jafn notalegt.

Að sitja aðeins lengur yfir hádegismatnum. Kíkja í gróðurhús þar sem tómatar vaxa við yl frá jörðinni. Skella sér í heitan pott eða koma snemma til baka og eiga rólegt kvöld án sérstakra áforma.

Á Blue Hotel Fagrilundur og í Blue View Cabins viljum við bjóða upp á notalega umgjörð fyrir einmitt svona stundir. Hvort sem hugurinn stefnir á rúnt um Gullna hringinn, smá útúrdúr eða einfaldlega næði með fólkinu þínu, þá er gott að gefa sér tíma til að njóta.

Hvers virði er friðurinn? Við getum ekki sett á hann verðmiða. En nokkrir rólegir dagar í sveitinni geta minnt okkur á hvað hann er okkur mikils virði.